Fillimi / Jete / Reportazhe / Vrima e Dragoit në Bogovë, një kuriozitet për turistët e aventurës
vrima-dragoit

Vrima e Dragoit në Bogovë, një kuriozitet për turistët e aventurës

Ndodhet në të majtë të luginës së Osumit, pak më sipër ujëvarës së burimit të Bogovës, në lartësinë 321 m mbi nivelin e detit.

Ka formën e një galerie horizontale, sipër asaj të burimit, por në brendësi të tyre komunikojnë me një sifon.

Gjatësia e kësaj galerie është rreth 60 m, por ka degëzime, ndër të cilat më e madhja arrin deri në 100 m dhe më tej vazhdon, por galeria është e ngushtë dhe e pakalueshme.

Eksplorimi i saj është bërë nga speleologët italianë të “Puglia Grotte” dhe “Dauno” në vitin 1995.

Gjatë stinës së dimrit, kur sasia e reshjeve rritet, ujërat që depërtojnë në brendësi të shkëmbinjve të malit të Kulmakut arrijnë në pellgun e burimit të Bogovës.

Dalja e këtij burimi nuk e përballon gjithë sasinë e ujit, ndaj sifoni mbushet dhe uji rrjedh përgjatë galerisë së sipërme dhe del me trysni në Vrimën e Dragoit, ashtu si në legjendë që Dragoi nxjerr flakë nga goja.

Ka mjaft raste kur së bashku me ujin dalin edhe fruta të egra të pyllit, ose objekte të tjera  që i hedhin barinjtë në sterrat e malit të Kulmakës.

Për të shkuar tek monumenti duhet ndjekur  rruga  Berat – Çorovodë deri në Bogovë, nga ku merret rruga këmbësore që të çon te kjo grykë shkëmbore. /ATA

Comments

comments

Rreth dnal

Gjej gjithashtu

thesar

Gjithë shteti drejt Mokrës, në kërkim të thesarit të Mbretëreshës Teutë

Mokra është një krahinë legjendash dhe historish, që nga kohët më të lashta.  Një hap, …