Fillimi / Histori / Rrëfim rrënqethës/ Magjia e zezë ekziston!

Rrëfim rrënqethës/ Magjia e zezë ekziston!

Rrëfimi i një djaloshi indian Familja ime është e edukuar, andaj ne nuk kemi besuar kurrë në magji të zezë apo diçka të ngjashme, derisa jemi prekur vetë nga magjia e zezë. Më poshtë do ta rrëfej ngjarjen, që i kishte ndodhur familjes sime në periudhën 1992-1995 Në vitin 1992 kishim blerë një pronë për ta ndërtuar shtëpinë, mirëpo, kur punët e ndërtimit kishin filluar, për vizitë kishte ardhur një person i quajtur “Munsi Ram”, i cili i kishte thënë nënës sime që ne kishim bërë gabim që kishim blerë pronën, pasi që ai kishte planifikuar që atë pronë ta blejë për të birin e tij. Në atë kohë, nëna ime i kishte thënë me butësi: ‘Në rregull, na e paguaj vlerën, të cilën ne e kemi paguar për pronën dhe ne do të largohemi’, mirëpo, ai nuk kishte pranuar duke thënë që tanimë ishte bërë vonë.

Rënia e gurëve

Në vitin 1993, në një mëngjes të hershëm të së hënës, rreth orës 01:00, unë pata dëgjuar disa gurë që kishin rënë në pronën tonë. Meqë gurët, pesë sosh, kishin rënë të gjithë së bashku, nuk e kishim të vështirë ta identifikojmë se nga ku kishin ardhur. Ishte fqinji ynë, Dinesh-i, mik i Munsi Ram-it, ai që kishte bërë një veprim të tillë. Të habitur nga kjo situatë ne e patëm dërguar rastin në polici dhe si rrjedhojë Dinesh-i kishte qëndruar për disa ditë në stacionin policor, mirëpo shumë shpejt kishte arritur të lirohej. Babai im ka qenë personi i vetëm që i kishte prekur gurët, ndërsa ditën e diel, të po së njëjtës javë, rreth orës 03:00 në mëngjes, ai kishte filluar të ketë dhimbje të tmerrshme në stomak dhe si pasojë ne e kishim dërguar në spital. Në pamundësi për ta identifikuar problemin, doktorët i kishin dhënë ilaçe për qetësimin e dhimbjeve, andaj babai për disa ditë kishte vazhduar vetëm me ilaçe, përkundër faktit që kishte dhimbje të papërshkrueshme. Disa ditë më vonë, dhimbjet ishin bërë aq të padurueshme, saqë ne e kishim dërguar në një spital privat, ku kishin konstatuar që fshikëza e tëmthit nuk po funksiononte, andaj babai ishte i detyruar t’i nënshtrohej operacionit. Megjithatë, babai im kishte vazhduar me ilaçe, duke mos pranuar që t’i nënshtrohej operacionit, ndonëse çdo gjë që hante e pinte detyrohej ta vjellë.

Këshilla e ekspertit

Kjo situatë kishte vazhduar të mbretërojë në familjen tonë deri kur për vizitë kishte ardhur një i afërm i familjes dhe, pasi kishte dëgjuar të gjithë rrëfimin, na pati propozuar të kontaktojmë me një person të quajtur Ashok. Ky i fundit, me ta parë babanë, kishte konstatuar që dikush i ka bërë magji dhe, nëse nuk ndërmerrej diçka, ai do të vdiste në ditën e dyzetë prej fillimit të magjisë. Ashok-u kishte kërkuar të blihen disa gjëra që i nevojiteshin për ritual, në mesin e të cilave një gjel i gjallë dhe ca liker. Ai ishte futur në një dhomë me babanë, ndërsa unë dhe vëllai im më i madh, Pankaj-i, qëndronim pranë tij pa bërë zhurmë, pasi që vetë Ashok-u kishte kërkuar qetësi absolute. Pas ritualit që kishte zgjatur rreth 40 minuta, Ashok-u kishte prerë gjelin mbi kokën e babait dhe kishte thënë që nga tash e tutje babai është i çliruar nga magjia dhe brenda një kohe të shkurtër, kur organet e tij ta merrnin vetën, ai do të shërohej plotësisht. Vdekja e papritur Pikërisht kjo gjë ka ndodhur, brenda një jave babai kishte filluar të ushqehej si zakonisht dhe nuk kishte më dhimbje në stomak. Megjithatë, ndonëse ne e shpëtuam babanë, ne nuk arritëm ta ndalim vdekjen e Pankaj-it. Ai kishte vdekur në një aksident, dyzet ditë pasi që e kishte parë në ëndërr atë aksident. Është e çuditshme që të gjithë në familje e kemi parë një ëndërr të ngjashme, megjithatë asnjëri nuk kemi arritur të bisedojmë rreth saj! Pak kohë pas vdekjes së vëllait, ne e kemi shitur shtëpinë bashkë me pronën, për t’u zhvendosur nga ai vend. Magjia e zezë ekziston ende. Bashkëfshatarët e Munsi Ram-it tani janë në dijeni të tij dhe ndonëse të gjithë e dinë se çka është në gjendje të bëjë ai, askush nuk mund ta dokumentojë një gjë të tillë. Jetojmë në botën e shkencës dhe askush nuk i përfill besëtytnitë.

Comments

comments

Rreth Kl Ma

Gjej gjithashtu

Ishte koha kur Leka Zogu I, krijonte Ushtrinë Kombëtare të Shqipërisë Etnike (Fotot)

Ishin të shumtë të rinjtë shqiptarë që në jetonin dhe punonin, apo dhe që kishin …