Fillimi / Ndërkombëtare / Rajon / Festim solemn para Qeverisë me rastin e pavarësisë së Maqedonisë

Festim solemn para Qeverisë me rastin e pavarësisë së Maqedonisë

Nën moton “Maqedonia e lirë, e lirë jeton”, sonte në Qeveri do të mbahet festimi solemn me rastin e 26 vjetorit të pavarësisë së Maqedonisë.

Nikoqir i festimit qendror me rastin e Ditës së pavarësisë sivjet është Qeveria e Republikës së Maqedonisë para objektit të së cilës do të vendosen instalime artistike interaktive.

Në kuadër të festimit qendror është paraparë të mbajë fjalim edhe kryetari i Qeverisë së Maqedonisë, Zoran Zaev.

Paradite delegacioni qeveritar do ta vizitojë shtëpinë përkujtimore të restauruar të Bllazhe Koneskit në fshatin Nebregovë.

Shënimi i Ditës së pavarësisë filloi dje pasdite me ngjarje sportive “Vrapo, luaj, aktivizohu”, në organizim të Agjencisë për Rini dhe Sport.

Në kuadër të shënimit treditor nesër delegacioni i kryesuar nga kryetari i Qeverisë Zoran Zaev në varrezat në Butel do të vendos lule në varrin e ish-presidentëve të shtetit Kiro Gligorov dhe Boris Trajkovski, ndërsa delegacioni i kryesuar nga ministrja e Punës dhe Politikës Sociale Milla Carovska do të vendos lule para shtëpisë përkujtimore “çliruesit e Shkupit. Në organizim të Ministrisë së Mbrojtjes në Krushevë do të organizohet ngjitje në shkëmbinj.

Republika e Maqedonisë shënon 26 vjet të referendumit të zbatuar me sukses në të cilin qytetarët e Maqedonisë u deklaruan për shtet të pavarur dhe sovran. Shumica bindëse, mbi 95 për qind e qytetarëve që kanë dalë në referendum, më 8 shtator të vitit 1991, pozitivisht janë përgjigjur në çështjen e referendumit “A jeni për Maqedoni të pavarur me të drejtë të hyjë në union të ardhshëm të shteteve sovrane të Jugosllavisë”.

Comments

comments

Rreth Kl Ma

Gjej gjithashtu

Të rinjtë e Kosovës po e braktisin vendin, s’besojnë më as në liberalizimin e vizave

Të rinjtë e Kosovës tashmë nuk shohin perspektivë në vendlindjen e tyre. Ata nuk besojnë …