Fillimi / Goodnews / Shkencëtarët shpikin xhelin kirurgjik, mbyll plagët e operacioneve brenda 1 minuti

Shkencëtarët shpikin xhelin kirurgjik, mbyll plagët e operacioneve brenda 1 minuti

Shkencëtarët kanë zhvilluar një ngjitës kirurgjik elastik, i cili mund t’i transformojë trajtimet emergjente duke i mbyllur plagët kritike në lëkurë apo organe, pa pasur nevojë të qepen, transmeton Telegrafi.

Xheli është i bazuar në një proteinë elastike hibride, dhe mund të vendoset në plagët e brendshme dhe të jashtme për t’i mbyllur dhe për ta shpejtuar procesin e shërimit.

Sipas ekipit ndërkombëtar të hulumtuesve që qëndrojnë prapa këtij zbulimi, produkti mund të jetë në plot kuptimin e fjalës një shpëtues i jetës, duke i mbyllur plagët brenda 60 sekondave duke mundësuar relaksimin e organeve apo lëkurës ku aplikohet.

Për të qenë më të qartë, deri tani testimet janë kryer vetëm në kafshë, por së shpejti pritet që të testohet produkti edhe te njerëzit – edhe pse rezultatet janë mjaft premtuese.

Vlen të theksohet se falë enzimave të ndërtuara në ngjitës, ai mund të zgjatë për një periudhë të gjatë kohore (disa orë apo edhe disa muaj) varësisht nga lloji i lëndimit.

Në situatat emergjente ku shpejtësia është kritike, ngjitësi ‘MeTro’ mund të jetë shpëtues i shumë jetëve! Hulumtimi është publikuar në ‘Science Translational Medicine’.

Comments

comments

Rreth Kl Ma

Gjej gjithashtu

Historia e binjakeve nga Fieri që kanë arritur majat në shkencë

Historia e dy motrave binjake nga Patosi-Fier, është sa e veçantë aq dhe me të …